Á hvaða svæði vinnið þið?

Við vinnum aðallega á höfuðborgarsvæðinu en tökum einnig að okkur stærri verkefni á Suðurnesjum og í kringum Hveragerði og Selfoss.

Stoðveggir og hleðslur á höfuðborgarsvæðinu

STOÐVEGGIR OG HLEÐSLUR SEM STANDA VEL TIL FRAMBÚÐAR

Rétt uppbygging skiptir öllu máli

Stoðveggur þarf að vera rétt byggður frá grunni til að haldast stöðugur til lengri tíma. Undirlag, burðarlag og dren skipta þar mestu máli og þurfa að vera rétt framkvæmd. Annars geta jarðvegur, vatn og frost haft áhrif á stöðugleika veggsins með tímanum.

Við erum reynslumiklir í byggingu stoðveggja og vinnum mikið með Magnum og Recon steina, auk annarra lausna. Markmiðið er að byggja trausta veggi sem standast íslenskar aðstæður og falla vel að lóð og umhverfi.
Við byrjum á að meta aðstæður á staðnum — hæðir, jarðveg, álag og aðkomu. Út frá því veljum við lausn sem hentar bæði útliti og notkun.
Grunnurinn er lykilatriði. Við sjáum um uppgröft, rétt burðarlag og góðan púða undir fyrstu röð, svo veggurinn sitji rétt frá byrjun og haldi sér vel.
Rétt dren og bakfylling minnka vatnsþrýsting og auka stöðugleika. Í hærri eða meira krefjandi veggjum metum við einnig þörf á akkerum, boltun eða öðrum festingum til að tryggja langtímaöryggi.

Hvort sem um er að ræða lítinn stoðvegg við heimili, hleðslu við bílaplan eða stærri vegg þar sem þarf meiri burð, þá förum við yfir aðstæður og veljum lausn sem hentar verkefninu.

AF HVERJU AÐ VELJA OKKUR?

Reynsla af stoðveggjum

Mikil reynsla af uppbyggingu stoðveggja og hleðslum

Traustur grunnur

Vönduð undirvinna og nákvæm uppsetning frá byrjun

Rétt lausn á réttum stað

Við hjálpum þér að velja lausn sem hentar aðstæðum og útliti

Traust framkvæmd

Skýr samskipti, snyrtileg vinna og veggir byggðir með endingu í huga

ALGENGAR SPURNINGAR

Hvaða stoðveggi og hleðslur takið þið að ykkur?

Við tökum að okkur stoðveggi og hleðslur fyrir heimili, húsfélög, fyrirtæki og verktaka. Verkefnin geta verið allt frá minni veggjum á heimilislóðum yfir í stærri lausnir þar sem þarf meiri burð og nákvæma undirvinnu.

Af hverju skiptir dren og bakfylling svona miklu máli?

Rétt dren og góð bakfylling minnka vatnsþrýsting á vegginn og hjálpa honum að halda sér stöðugum til lengri tíma. Þetta er sérstaklega mikilvægt þar sem frost, vatn og jarðvegur geta haft áhrif á vegginn.

Vinnið þið með Magnum og Recon steina?

Já, við vinnum mikið með Magnum steina frá BM Vallá og Recon steina frá Steypustöðinni, auk annarra lausna eftir aðstæðum, útliti og burðarþörf.

Þarf alltaf akkeri, boltun eða sérstakar festingar?

Nei, það fer eftir hæð veggsins, jarðvegi, álagi og aðstæðum á staðnum. Í hærri eða meira krefjandi veggjum metum við hvort þörf sé á akkerum, boltun í klöpp eða öðrum festingum.

Fáðu frítt tilboð í stoðvegg eða hleðslu

Hvort sem þú þarft lítinn stoðvegg við lóðina eða stærri hleðslu sem þarf að bera meiri þunga, þá förum við yfir aðstæður með þér og finnum rétta lausn fyrir verkefnið.

Senda fyrirspurn →